Federación Española de Esperanto

La 78a Hispana Kongreso de Esperanto

Hispana Esperanto-Federacio (HEF), Andaluza Esperanto-Unuiĝo (AEU), kaj la Internacia Fervojista Esperanto-Federacio (IFEF) invitas vin partopreni en la 78a Hispana Kongreso de Esperanto, kaj en la 71-a IFEF-Kongreso, kiuj okazos komence de majo 2019 en la urbo Malago (Málaga, Andaluzio) tiel ke vizitantoj havos la ŝancon ĉeesti samtempe du altirajn eventojn kun ties propra etoso. 

La Kongresoj estos parte sendependaj kaj parte koincidaj, kaj do oni povas partopreni en ambaŭ aŭ nur en unu el ili, depende de siaj disponeblo kaj ŝato. Afiŝo de la kongresoLa konkretaj datoj estos:

  • Hispana Kongreso de Esperanto: 1 - 5 majo 2019
  • Kongreso de la Internacia Fervojista Esperanto-Federacio: 3 - 9 majo 2019.

Oni komencis jam la pretigon de ambaŭ eventoj. La unuaj informoj, inklude de la loko, la unua skemo de la programoj kaj la aliĝkondiĉoj, estas konsulteblaj en la retejo de la Andaluza Esperanto-Unuiĝo, ĉefa organizanto de la renkonto, kiu profitos la okazon por samtempe okazigi sian kongreson.

Ni invitas vin partopreni tiun ĉi feston de la esperantista kulturo. Esta dirección de correo electrónico está protegida contra spambots. Necesita activar JavaScript para visualizarla. ankaŭ se vi deziras kunlabori en la organizado kaj proponi iun programeron.

Dume, oni povas plu informiĝi pri la Hispanaj kongresoj de Esperanto kaj spekti iujn videojn pri pasintaj renkontiĝoj en tiu ĉi paĝo.

Ĝis tre baldaŭ!