Federación Española de Esperanto

La 77a Hispana Kongreso de Esperanto

Hispana Esperanto-Federacio (HEF), Madrida Esperanto-Liceo (MEL), kaj la Internacia Ligo de Esperantistaj Instruistoj (ILEI) invitas vin partopreni en la 77a Hispana Kongreso de Esperanto, kaj en la 51-a ILEI-Kongreso, kaj do vizitantoj havos la ŝancon ĉeesti samtempe du altirajn eventojn kun ties propra etoso. Ili okazos ĝuste antaŭ la Universala Kongreso en Lisbono, kaj do por multaj esperantistoj la renkontoj povos taŭgi kiel antaŭgustumo de tiu granda evento.

La Kongresoj estos parte sendependaj kaj parte koincidaj, kaj do oni povas partopreni en ambaŭ aŭ nur en unu el ili, depende de siaj disponeblo kaj ŝato. La konkretaj datoj estos:

  • Hispana Kongreso de Esperanto: 20 - 22 julio 2018
  • Kongreso de la Internacia Ligo de Esperantistaj Instruistoj: 21 - 28 julio 2018.

Oni komencis jam la pretigon de ambaŭ eventoj, Tie ĉi vi havas la Unuan Anoncon, kun bazaj informoj.

Vi povas jam aliĝi al la du kongresoj, aŭ nur al unu se via tempo estas limigita. Jen vi havas la retan aliĝilon, kaj ankaŭ la paperan, en pdf aŭ en doc.

La kongresoj havos kiel bazan motivon la moton “La kultura heredaĵo de Esperanto”.

Ĝi estos ankaŭ la ĉeftemo de kleriga simpozio, kiu disvolviĝos ene de la ILEI-kongreso, en kunlaboro kun la universitato UNED (ŝtata universitato de malĉeesta edukado).

Madrido, la ĉefurbo de Hispanio, estas la plej loĝata urbo de la lando, kun iom pli ol 3 milionoj da loĝantoj. Ĝi estas moderna kaj tre turisma urbo, kun multe da atrakciaĵoj, ampleksa kultura propono kaj tre altira distra vivo. La kongresoj disvolviĝos ĉefe en la universitata areo, okcidente de la urbo, proksime al parkoj kaj samtempe integrita en la urbo mem.

Pliajn utilajn informojn, inklude de transporto, gastigado, ekskursoj, ktp, eblos trovi en tiu ĉi paĝo.

Dume, oni povas plu informiĝi pri la Hispanaj kongresoj de Esperanto kaj spekti iujn videojn pri pasintaj renkontiĝoj en tiu ĉi paĝo. kaj vi povas skribi al Esta dirección de correo electrónico está protegida contra spambots. Necesita activar JavaScript para visualizarla. se vi havas iun konkretan demandon.

Ĝis tre baldaŭ!