Per qué fer-se miembro de HEF?
Espardir e aprender esperanto, a luenga internazional, merix a pena. Ye un organo de comunicazión bibo, con una ampla comunidá de fablans e un preziable patrimonio cultural. Ye un meyo d'entendimiento entre presonas de culturas diferéns, orichens u estaus, que creya binclos por denzima de mugas e dibisións de toda mena.
Pero lo nibel de conoiximiento sobre lo esperanto, sobre as suyas posibilidaz e a suya reyalidá, encara ye masiau baixo. Tampoco no lo lumero de fablans, anque mayor d'o que se perzibe per a opinión publica, ye tan gran como sería deseyable. Per ixas razóns, a espardidura d'a luenga, o conoiximiento d'a reyalidá suya e o combenzimiento sobre as suyas bondaz, ye un quefer encara impreszindible.
Ixos quefers – informazión, espardidura, combenzimiento – son as que a Federación Española de Esperanto (Hispana Esperanto-Federacio – HEF) tien como ochetibos alazetals d'a suya autibidá. En fer-te miembro de HEF contribuyes a istas fitas e, d'ista traza, refirmas a espardidura d'a luenga internazional e los ideals suyos.
HEF ye la prenzipal organizazión esperantista a nibel d'o Estau Español. Ye formada per asoziacións e clubs locals, e tamién en forman parti miembros endibiduals.
Ye una asoziazión neutral, que no privilechia garra orientazión pulitica u ideolochica, e nomás se guía per o respeto a os Dreitos Humans alazetals e por a esfensa d'a comunicazión internazional. Cualsiquier presona puede conduzir-se, siempre que amostre o suyo compromís per a luenga. HEF respeta e faborexe a pluralidá d'os miembros suyos.
A Federación forma parti de l'Asoziazión Unibersal d'Esperanto. D'ista manera, estar miembro de HEF suposa a o mesmo tiempo estar miembro d'ista organizazión internazional, e contrebuyir a la espardidura d'o esperanto a nibel mundial.
Os miembros de HEF tienen o dreito de partizipar en a bida interna de l'asoziazión, fixar os suyos ochetibos, eslechir a la suya direutiba, proposar iniziatibas e campañas. Antimás recullen un Boletín trimestral e pueden partizipar en as rufiertas internas.
Os miembros de HEF recullen descuentos en as condutas ta las trobadas organizatas u patrozinatas por l'asoziazión, e tamién tienen pres espezials en os materials que HEF tien a la benta.
A Federazión chestiona o dominio d'Internet http://www.esperanto.es, con bersións en castellán e esperanto, e tamién en atras luengas españolas. Disposa d'una ofezina en Madrid, con una biblioteca de más de 3500 exemplars de libros e d'atros materials, á disposizión d'os miembros. A biblioteca tien a suya propria pachina web (http://www.esperanto.es/biblioteko), en do tamién se i acubilla la “Bitoteko” (http://bitoteko.esperanto.es), o nuestro repositorio dichital con materials istoricos, muitos d'ellos de gran balura.
Á begadas, HEF edita material en u sobre lo esperanto. A promozión d'a balura d'a cultura en esperanto e tamién a espardidura d'a cultura española per meyo d'iste idioma se troban entre los ochetibos d'a organizazión nuestra.
Os miembros menors de 30 años son de bez miembros d'a Sociedad Juvenil Esperantista Española (Hispana Esperantista Junulara Societo – HEJS).
Chúne-te a nusatros. Imple o formulario de conduzión. E si quiers conoixer atras trazas de colaborar con as nuestras autibidaz u refirmar os nuestros ochetibos, no dandalíes en contautar-nos en l'adreza Esta dirección de correo electrónico está protegida contra spambots. Necesita activar JavaScript para visualizarla..
LA ANTAŬENIGO DE ESPERANTO ESTAS NIA CELO