Hispana Kongreso de Esperanto

Hispana Esperanto-Federacio sponsoras ĉiujare kongreson de Esperanto, kiun ĝenerale organizas lokaj grupoj aŭ aktivuloj en diversaj urboj de la lando. Ili komenciĝis en la jardeko de 1920, kaj post interrompo en la jaroj post la Hispana Enlanda Milito, denove okazis en 1951, kaj de tiam ĉiujare ĝis nun.

La 81-a Hispana Kongreso okazos inter la 12a kaj la 15a de oktobro 2023, en Sevilo. La Kongresa Komitato laboras pri la detaloj de la organizado kaj la programo, kaj vi jam povas trovi la unuajn detalojn, inklude de la aliĝilo, en jena adreso: https://kongreso.esperanto.es/eo.

Eblas konatiĝi kun la etoso de la hispanaj kongresoj de Esperanto, per la resumaj filmetoj kiujn HEF publikigis en sia jutuba kanalo. Jen kelkaj el la lastaj:

• 80-a Kongreso, 2022, en Comillas (Kantabrio)
• 79-a Kongreso, 2021, (virtuala, post interrompo pro la pandemio de 2020)
• 78-a Kongreso, 2019, en Malago, kune kun la Andaluzia Kongreso kaj la internacia kongreso de IFEF.
• 77-a Kongreso, 2018, en Madrido, kune kun la internacia kongreso de ILEI
• 76-a Kongreso, 2017, en Teruelo (Aragono)
• 75-a Kongreso 2016, en Herrera del Duque (Ekstremaduro).
• 74-a Kongreso 2015, en Cullera (Valencia regiono).
• 73-a kongreso 2014, en Arundo (Ronda, en la provinco Malago, Andaluzio), kune kun la 18-a Andaluzia Kongreso.
• 72-a kongreso 2013, en Zaragozo.
• 71-a kongreso 2012, en Almagro.
• 70-a kongreso 2011, okazinta en San Lorenzo de El Escorial.

Por resti informita, skribu al nia adreso Esta dirección de correo electrónico está protegida contra spambots. Necesita activar JavaScript para visualizarla., aŭ sekvu la informojn en niaj sociaj retoj.

Ĉiuj estas bonvenaj, sendepende de la geografia loko aŭ la lingva nivelo. Ni havos ion por vi!