Alvoko de José Antonio del Barrio, direktoro de Fundación Esperanto:

Estimataj amikoj:

Ekzistas la ebleco peti helpon por la eldonado de libroj en Esperanto aŭ kun rilato al ĝi.
Se vi planas eldoni tian libron, kaj ankoraŭ tion ne faris, vi havas la eblecon sendi al ni buĝeton. Ankoraŭ neeldonitaj libroj povos esti subvenciataj laŭ la projektoj de 2010, depende de la buĝeto aŭ la disponebla mono.

Ni nun diskutas pri la agadoj apogotaj dum 2010. Se vi volas proponi projektojn aŭ agadliniojn, ni estas malfermaj je sugestoj. Memoru ke Fundación Esperanto povas esti la pordo por ke vi mem finance apogu programojn por Esperanto. Fundación financas sin per donacoj, kaj ni kuraĝigas vin por ke vi uzu tiun rimedon por antaŭenigi agadojn diverskampajn.

En 2010 ne estas tre elstaraj datrevenoj, sed ja grava okazaĵo por la iberamerika mondo: la okazigo de UK en hispanlingva lando. Tial, ni nun pripensas la eblecon helpi al la amerika movado disvastigi en tiu kontinento la esperantan lingvon. Ideoj kaj helpoj tiurilate estos bonvenaj.

Nia agado dependas de vi.

Fundación Esperanto
http://www.esperanto.es/fundacion/

fundacion (ĉe) esperanto.es