"LERNU ESPERANTON - EKKONU LA MONDON!" estis la devizo de ekspozicio en Punta Umbría (Huelva)
Jen priskribo de la organizantoj, Danica kaj Dorde Obradović, el Slovenio:
Loĝantoj de Punta Umbria, malgranda urbeto en suda Hispanio kun intereso vizitis la ekspozicion kun 180 ekzempleroj da diversaj libroj, ĵurnaloj, revuoj, turismaj prospektoj kaj aliaj esperantaĵoj.
Ni deziras danki al homoj kiuj apogis nin kaj helpis realigi la ideon: Julio Herrero el Malago (kun loka esperanto asocio), Kani el Don Benito kaj Alejandro Pareja el Madrido. La urbestraro kaj la biblioteko faris ĉion kio estis bezonata (presado kaj disvastigo de afiŝoj, invitiloj kaj disponigo de konvena ejo por fari la ekspozicion - ĉion senpage) kaj la 15an de decembro je la 17.30 horo okazis solena malfermo kun ĉeesto de loka televido kaj ĵurnalistoj. Solena parolanto estis konsilantino por kulturo de loka urbestraro. Kvankam unue ni havis interkonsenton por du-taga ekspozicio, ili proponis ke la ekspozicio daŭru ĝis vespero de la 22-a de decembro 2008. Dum la postaj tagoj lokaj gazetoj aperigis (ĝis nun ni vidis) 5 grandajn artikolojn pri la ekspozicio.