Federación Española de Esperanto

Presentación

La Federación Española d'Esperantu (HEF, Hispana Esperanto-Federacio) ye l'asociación que s'encarga de promover l'esperantu en España y d'informar al rodiu d'él a nivel estatal. HEF ye l'asociación nacional de la Asociación Universal d'Esperantu pa España.

Acordies colos sos estatutos, HEF ye una asociación neutral y apolítica ensin ideoloxía propia que tien como oxetivu promover la utilización de la llingua internacional Esperantu.

La Federación Española d'Esperantu tien un calter organizativu mistu: ta formada por miembros individuales, que se xunen de manera personal, o coleutivos, polo xeneral asociaciones o clubes llocales o rexonales. Los miembros coleutivos paguen una cuota estremada. Los estatutos tamién permiten la creación de la categoría “simpatizante”, que sicasí nun s'emplega anguaño.

La Federación creóse en 1947. Pa la fin de la Guerra Civil, la mayoría d'asociaciones esistentes hasta entós yá desapareciere, polo que quedaben namás individuos aislaos y dellos clubes llocales con munches dificultaes. Recién nesi añu foi posible volver a crear una asociación estatal, que dende entós actúa de forma ininterrumpida anque con dellos cambeos no que cinca la organización y los sos oxetivos.

HEF tien una oficina propia en Madrid, na cai Rodríguez San Pedro, 13, onde s'asitia la sede oficial. Amás de dellos recursos menores ehí s'alluga la Biblioteca Juan Régulo Pérez con una coleición de más de 3500 llibros y otros materiales. HEF xestiona tamién la páxina web www.esperanto.es. Sírvese de la Fundación Esperanto pa cumplir los sos oxetivos financieros y editoriales.

HEF espubliza un boletín propriu, trimestral, que conserva'l nome tradicional en castellán “Boletín”. Amás patrocina un congresu anual, organizáu xeneralmente por asociaciones llocales o rexonales en diferentes ciudaes del estáu.

Pa recibir más información sobre l'asociación, escribe a la so direición Esta dirección de correo electrónico está protegida contra spambots. Usted necesita tener Javascript activado para poder verla.. Pa facete sociu, visita la páxina afayadiza.

Las cookies nos permiter ofrecer nuestros servicios. Si continuas navegando, aceptas el uso que hacemos de la cookies. --- Kuketoj ebligas al ni oferi niajn servojn. Se vi eniras nian paĝaron, vi akceptas tion.
Para saber más sobre las cookies lea nuestra / por scii pli pri la kuketoj legu nian política de privacidad / protokolon pri privateco .

  Acepto las cookies en este sitio. Mi akceptas la kuketojn.
EU Cookie Directive Module Information