Federación Española de Esperanto

Programo de la 78a Hispana Kongreso de Esperanto

La 78a Hispana Kongreso de Esperanto okazos komence de majo 2019, en urbo Malago (Málaga), parte koincide kun la 71-a Kongreso de IFEF.

Logoo kongresoLa lingva situacio en Eŭropo estos la gvida temo de la renkonto, kiu okazos preskaŭ koincide kun la kampanja periodo por la Eŭropa Parlamento kaj kelkajn semajnojn post la (supozebla) eliro de Britio el la Eŭropa Unio. Ni programis prelegojn kaj debatojn, por kio ni kalkulas je la ĉeesto de la prezidanto de Eŭropa Esperanto-Unio, Seán Ó Riain. Krom tiu ĉeftemo, ni antaŭvidas tre riĉan kulturan aktivadon: ni havos muzikon, prelegojn kaj teatron.

La kulturo, loka kaj esperanta, havas gravan rolon. Ni konatiĝos kun la urbo Malago, pere de diversaj kulturaj kaj turismaj ekskursoj, dum la Hispana Kongreso kaj dum la tuta semajno. Ni vizitos ankaŭ aliajn proksimajn urboj, ege interesajn el arkitektura kaj historia vidpunkto, kiel Granado (Granada), Kordovo (Córdoba), Antekero (Antequera), Arundo (Ronda), kaj eĉ vizitos la nordan Marokon kiel postkongresa ekskurso. Vidu detalojn en: http://esperanto-andalucia.info/ekskursoj/.

Kompreneble, ne mankos babiladoj, ekspozicioj, kursoj, libroservo, ktp. Ankaŭ novaj esperantistoj kaj lernantoj trovos sian lokon. Kontaktu la organizantojn ĉe la adreso Esta dirección de correo electrónico está protegida contra spambots. Necesita activar JavaScript para visualizarla., kaze ke vi mem deziras proponi programeron, aŭ por ajna dubo aŭ sugesto.