Federación Española de Esperanto

Nova kurso de Esperanto en la Universitato UNED

En septembro malfermiĝis denove la ŝancon enskribiĝi en la lingvaj kursoj de la Hispana Ŝtata Universitato por Neĉeesta Lernado (UNED), inklude, por la dua jaro, de la kurso de Esperanto.

En tiu ĉi jaro 2019-2020 eblas denove komenci je elementa nivelo, tiel ke je la fino oni atingas la nivelon A2 laŭ la Eŭropa Referenckadro. La kurso estas tutorigita, neĉeesta, kaj fine, post la koncerna ekzameno, oni atingas oficialan diplomon de la Universitata Neĉeesta Centro pri Lingvoj (CUID) de la UNED. Ĉiuj necesaj informoj pri la enskribiĝo troviĝas en tiu ĉi ligilo. Eblas aliri ankaŭ la Gvidilon de la kurso kaj la informojn pri kontakto.

Jam en la pasinta akademia jaro 2018-2019 okazis la unua eldono de la kurso, kun sufiĉe da sukceso. En tiu ĉi jaro denove Hispana Esperanto-Federacio kunlaboras kun la UNED en diversaj aspektoj, inklude de la fiksado de kriterioj, pretigado de la lernomaterialo, havigo de aldona materialo, selektado de la instruisto, ktp. Ĉiukaze, pri la organizado respondecas la Universitato, en kies retejo eblas kontroli ĉiujn detalojn kaj efektivigi la formalan enskribiĝon.

Krome, HEF-estraro aprobis la kunvokon de du stipendioj por junaj lernantoj de la venonta kurso. HEF pagos la duonon de la kosto de la kurso al du lernantoj ĝis 30-jaraĝaj. Oni valorigos akademiajn kaj aktivadajn meritojn, kaj estos nepra kondiĉo ke ili sukcesu la ekzamenojn de la kurso. Interesitoj sendu sian kandidatecon ĝis komenco de novembro al la adreso: Esta dirección de correo electrónico está protegida contra spambots. Necesita activar JavaScript para visualizarla..

Promenado laŭ la norda Jakoba Vojo

Hispana Esperanto-Federacio organizas internacian marŝadon por esperantistoj laŭ la marborda Vojo de Sankta Jakobo.

Konekse kun la venonta Hispana Esperanto-Kongreso, kiu okazos en la urbo Comillas (okcidenta marbordo de la regiono Kantabrio), ni planas okazigi marŝadon por esperantistoj en la datoj ĉirkaŭ la evento, sed jam en septembro 2019 ni planas pli limigitan sperton. Nome, la marŝado ekos el Comillas kaj alvenos al Ĥiĥono (Gijón/Xixón, regiono Asturio); atentu ke temas pri la norda varianto, apud la marbordo, same bela sed malpli konata ol la t.n. "franca vojo". La promenado estos, pli malpli, 157 kilometrojn longa, kiujn ni trairos dum unu semajno. La marŝado komenciĝos la dimanĉon 22an de septembro kaj finiĝos la sabaton 28an de septembro.

HEF respondecas pri la organizo kaj la loĝado (en malmultekostaj hoteloj, en dulitaj aŭ trilitaj ĉambroj). Ankaŭ, ni dungos malmultekostan entreprenon por transporti la dorsosakojn. La prezo estos ĉirkaŭ 200 eŭroj.

Ĉu vi estas interesita? Sendu senprokraste retmesaĝon, por koni la detalojn, al adreso Esta dirección de correo electrónico está protegida contra spambots. Necesita activar JavaScript para visualizarla..

Por tiu ĉi ni rezervos spacon por nur 12 partoprenontoj. ALIĜU RAPIDE!

Más artículos...