Federación Española de Esperanto

Justa komunikado: 15a de decembro, Tago de Esperanto

Kiel tradicie, la 15-an de decembro oni festos en la tuta mondo la Internacia Tago de Esperanto, ankaŭ celebrata kiel Tago de la Libro en EsperantoZamenhof-Tago.

Afiŝo de la Tago de la Libro en Esperanto, 2013, autor Peter Oliver, EABAnkaŭ en Hispanio, la diversaj kluboj kaj asocioj kun rilato al Hispana Esperanto-Federacio kunmemoros la Tagon per diversaj agadoj. Madrido, Bilbao, Barcelono, Zaragozo, Santandero, Valencio, nur kiel ekzemplo, gastigos renkontiĝojn de lokaj esperantistoj, en iuj kazoj por festi kaj kuniĝi, en aliaj por disvastigi la lingvon, aŭ por ambaŭ celoj samtempe.

Menciinda estas la serio de agadoj en Barcelono, kie organiziĝas diversaj prezentadoj de la verko "Poezio: armilo ŝargita per futuro", antologio de engaĝita poezio eldonita de SAT-en-Hispanio, kun la partopreno de la kompilinto kaj tradukinto Miguel Fernández.

Siavice la andaluziaj esperantistoj kuniĝos en Arundo (Ronda, malaga provinco) kiel prepariĝo por la venonta Hispana Kongreso de Esperanto de 2014, kiun ni celebros en tiu urbo komence de la monato majo.

Ni invitas ĉiujn amikojn kaj simpatiantojn aliĝi al nia celebrado. Se vi deziras pli konkretan informon pri la programitaj aktivaĵoj, skribu al la adreso Esta dirección de correo electrónico está protegida contra spambots. Necesita activar JavaScript para visualizarla. aŭ kontaktu la Federacion en la telefonnumeroj aperantaj en jena paĝo.

Vi estas tre bonvena!